Գիտությունն արտասահմանում

Վիրաբույժները սոսինձ են ստեղծել, որը նպաստում է ոսկրերի սերտաճմանը:

Կոտրված ձեռքը կամ ոտքը շուտով հնարավոր կլինի սոսնձել: Շվեդիայի Թագավորական տեխնոլոգիական ինստիտուտի գիտնականները պատրաստ են վիրաբուժության ոլորտում  հեղափոխություն կատարել, տեղեկացնում է MIGnews.com-ը:

Նրանք 14 տարվա ընթացքում աշխատում էին յուրահատուկ սոսնձի ստեղծման աշխատանքի վրա: Այն տարածվում է կոտրվածքի տեղում և հալոգեն լամպի ազդեցությամբ պնդանում է: Երբ ոսկրերը սերտաճում են, սոսինձը ներծծվում է օրգանիզմում:

Այդպիսով, ամենաբարդ կոտրվածքները, այդ թվում և ողնաշարի, և գանգոսկրի, հնարավոր կլինի բուժել առանց մետաղե շերտերի տեղադրման և տեղային անզգայացման օգնության: Նոր մեթոդը հնարավորություն կտա նաև կրճատել վիրահատության տևողությունը, ինչպես նաև ապաքինման ժամանակաընթացքը: Եթե նախկինում կոտրվածքն ապաքինվում էր մոտ երեք ամսվա ընթացքում, ապա այս դեպքում պացիենտի մոտ արդեն 3 օրից վերականգնվում է աշխատունակությունը:

Հենց որ սոսինձը թեստավորում անցնի նաև թունայնության վերաբերյալ, այն կսկսեն փորձարկել կենդանիների վրա: Գիտնականները հավատացած են, եթե ամեն ինչ լավ անցնի, ապա նման վիրահատություններ կսկսեն կատարել արդեն այս տարի:    

Հարցեր, պատասխաններ, մեկնաբանություններ